雲海又踢爆:黑警用假名幫被捕人士登記入院,死左屋企人都唔知

avatar 十一月 29, 2019

以下呢個情況我琴日同相關人士討論過之後,都係要話比全香港人聽,因為希望相關記者會可以調查以及向香港政府進行質詢!話說有醫管局嘅相關人士向我透露,依家黑警嘅無法無天地步,佢哋拘捕某啲被打傷嘅示威者之後,部份會被送到醫院,當在場醫護人士要求相關受傷者登記身分證號碼以及姓名嘅時候,黑警竟然可以凌駕香港依家一切法律,向醫護人員表示這個人就叫做什麼什麼什麼「xxx」,唔需要身分證以及身分證號碼作為登記!
呢樣野都唔係最恐怖,相關醫管局嘅同事同我表達,最恐怖係後來佢哋發現黑警表達嗰位傷者「xxx」原來係黑警自己作出黎嘅假名!因為後來好多醫護人員發現個病人講述自己嘅名稱同黑警登記嗰個係完全唔同!佢哋亦都同我講呢種情況已經係普遍性,所以導致點解有唔少受傷入院嘅人士,好多外邊嘅人係翻查唔到真實入院人士嘅資料、佢哋屋企人同朋友係唔知道已經被送入醫院或者送咗去邊度、而醫護人員最擔心嘅係,有好多已經危殆、變咗植物人甚至死亡,佢哋屋企人同埋朋友都係唔會知情,之後黑警就可以秘密處理!若果以上一切純粹一個城市傳聞就算啦,但係呢番話係來自醫管局裏邊工作多年嘅人,就唔能夠唔令我擔心!亦都開始解開到點解咁多死亡受傷事件,屋企人係完全唔知情!
Ps咁大家可以聯想到若果已經昏迷入院嗰啲根本自己講唔到自己真實名字比醫護人員聽!

image
image

以上內容皆為轉發,資料未經確實,只供備份參考。上述內容並不代表本站立場
來源:雲海FB

(8269)

搜尋

喜歡我們的文章嗎?按個讚吧!

x